Mørkrets apostler – Satanismen før LaVey og Church of Satan

feb ’08
19
19:00

Mørkrets apostlarHakk i hæl på årets første Absalong slår vi til att, og vi tar vegen rett til kulturens skuggeside. Vi er så heldige å ha lokka til oss Per Faxneld, som er doktorgradsstudent ved Universitetet i Stockholm og forfattar av “Mörkrets apostlar: Satanism i äldre tid”, som vil halde eit foredrag om dette vidunderlege temaet. I tillegg kan vi by på vår første mini-konsert på Absalong. Denne gong med kanadiske Geoff Berner. Vi håper at du vil halde oss med selskap, og vere med Absalong på nok ein guida tur inn i ein gjerne ukjendt djevelsk avkrok, med flott musikk attåt.

Mange er kjendt med the The Church of Satan, den første opne sataniske organisasjonen, grunnlagt av Anton Szandor LaVey på 60-talet, men satanistar, djeveldyrkarar og Luciferianarar har vore aktive mykje lengre enn det. Og det var mange, kjendte og ukjendte karakterar som hadde eit ganske så alternativt og positivt syn på Satan og Mørkets Fyrste før LaVey si tid. Det er difor med stor glede at vi ser fram til Per Faxneld si gjennomgang av denne historia på førstkomande Absalong.

Her er historia om nokre av okkultismen og det alternatives mektigste navn i perioden sitt forhald til Satan – kva var eigentleg Aleister Crowley (óg kjendt som The Beast), Madamme Blavatsky og Rudolf Steiner sitt syn på Mørkets Fyrste? Korleis var dei inspirert av han? Kanskje særleg interessant for alle dykk som har gått på ein av dei mange Steinerskulane til Rudolf Steiner? Blant løyndomsfulle grupperinger møter vi mellom anna den tyske utbrytarordenen Fraternitas Saturnis som var aktiv i 1920-talets Berlin og som framleis har avleggjarar blant oss i dag. I tillegg kan vi by på soga om den polske forfattaren Przybyszewski, som hadde sterke band til kjendte norske kunstnarar, og den danske Ben Kadosh som påkalte Satan med bøttespann på hovudet og tresverd i handa.

Før foredraget vil Geoff Berner spele nokre låter frå sitt store og artige repertoar. Geoff Berner er i byen for å halde ein konsert, og vi følte at dette er ikkje noko vi kan la våre gjester gå glipp av, så vi inviterte han like greit til å kome til oss og varme opp for Faxneld før han går vidare til sin andre konsert den kvelden. Lydmessig kan musikken til Geoff Berner plasserast i same kategori som Kaisers’ Orchestra som han er gode venner med og som han turnerar med seinare i år. Han er tydeleg inspirert av både punk og tradisjonell jødisk klezmer, og har trollbundet sine tilhengjarar med tekster som “Maginot Line”, “Lucky Goddamn Jew” og “Whiskey Rabbi”. Han har nyleg annonsert at han vart bedt om å forfatte temasangen for Vinter OL i 2010, og har titulert sangen “Official 2010 Vancouver Whistler Olympic Games Theme Song (The Dead Children Were Worth It!)”. Denne skal verte tilgjengeleg på hans nettsider iløpet av februar, og som de sikkert skjønner så er han ein musikar som passar godt inn i vårt repertoar av det absurde, morbide og morosame på Absalong. Kom og få han til føle seg velkomen hjå oss.

Vi er garantert ein festleg og underhaldande kveld, som nok vil vere lærerik. I tillegg vil Absalongs vennlege DJar grave ned i sine arkiv og finne ekte djevelmusikk til vårt kjære publikum til langt ut på kvelden. Seansen finn som vanleg stad på Klar Bar, i andre etasje på Zachen, tysdag 19. februar. Vi opner dørene for apostler og anna publikum klokka 1900. For å bivåne det heile må ein helst vere av myndig aldar og avlevere ei offergåve på kroner 50 til vår dørvakt, i nokre tilfelle kan vi ta sjela di i pant.

Vel møtt!

Nyttige lenker

Settlister

Sabeltann

  1. Coven – Satanic Mass
  2. Tom Mathisen og Herodes – Sa Sa Sa Satan
  3. Coven – Coven in Charing Cross
  4. E Nomine – Lucifer
  5. Psychic TV – Good Vibrations
  6. Das Ich – Des Satan Neue Kleider

Mallpunk

  1. Anton Szandor LaVey – Satan takes a holiday
  2. Ølguttene – Satanist
  3. Dead Souls Rising – Sin
  4. Nogu Svelo – The little Chinese bells
  5. Ebba Grön – Nu släckas tusen människoliv
  6. Sam Sham – Hey there little red riding hood
  7. Blue Öyster Cult – The subhuman
  8. Pavel Studeny – Drevaci
  9. Joan Baez – Diamonds and rust
  10. Gartnerlosjen – Sado
  11. Johnny Dowd – Wedding dress
  12. Das Ich – Ein Tag vergeht
  13. Øystein Sunde – Liten og grønn
  14. Amsterdam Klezner Band – Limonchiki
  15. Geoff Berner – Clown & Bard
  16. Peter, Paul and Mary – Puff, the magic dragon
  17. Green Day – Dominated love slave
  18. Lars Kilevold – Det renner altfor lite blod i Oslos gater
  19. Mad Season – Long gone day
  20. Tom Lehrer – Masochism tango
  21. Angelic Upstarts – Last night another soldier
  22. Cock Sparrer – Sunday stripper
  23. Dropkick Murphys – Good rats
  24. Acda en de Munnik – Bij haar zijn
  25. Dronning Mauds Land – Mørketid
  26. Elregn – Tante Emma
  27. Tramteatret – Å, livet svinger
  28. David Bowie – I’m deranged

.

Arrangementer

  • Ingen hendelser.