Den indiske kvelarsekta og dens endelikt

Eit foredrag ved Jan Ingar Thon

I fleire hundre år herja phansigarane, eller thugane om du vil, i det løynde i India. Det finnes ikkje tal på kor mange tusen menneske dei skal ha drept, før den britiske kolonimakta fekk has på dei. Vi skal altså til India i årets første Absalong, og til eit av dei mørkaste og mest besynderlege kapitla i moderne religionshistorie. Om du har sett Indiana Jones and the Temple of Doom vil du finne at den er overraskande nær sanninga når vår venn Jan Ingar Thon skal forelese om den indiske kvelarsekta og dens endelikt.

Jan Ingar Thon er religionshistorikar og forfattar, og hadde æra av å førelese om varulvar på den allar første Absalongkvelden, og vitja oss att i fjor då han haldt foredraget om anti-krist. No er han attende med nok ein av sine lidenskaper; den indiske kvelarsekta som ofra tusentals menneske i seremoniar dedikert til den indiske dødsguden Kali gjennom fleire generasjonar utan å verte tatt. Dei eksisterte kun som rykte og segn, kviskra om blant skrekkslagne bønder.

Dei slo til i varierande antal, avhengig av kor mange ofre dei hadde sett seg ut, alt frå små grupper på fire-fem til organiserte hærstyrker på fleire hundre mann. Alt for å tilfredsstille si blodtørstige gudinne Kali. Og dei etterlot seg ingen spor. Heilt fram til ein engelskmann med namn William Henry Sleeman ankom India. Og med hans iherdige innsats kunne den britiske kolonimakta rulle opp dei morderiske kvelarane og tryggje den indiske befolkinga ein gong for alle.

Dette vert med andre ord frykteleg spanande. Og morosamt!

Det vert som alltid musikals underhaldning ved våre faste DJar, og baren er som alltid stappfull av medisin for dei tørste. Så kom og varm deg hjå oss tysdag 9. februar på Klar Bar i andre etasje på Zachen. Du må vere av myndig aldar, og det kostar 50 spenn (alternativt 400 indiske rupi) å komme inn. På grunn av tryggleiken vil vi konfiskere alle silketørkle og tilsvarande kvelingsverkty ved inngangsdøra.

Settlister

Lux Obscura

• Dark Star – Opal
• Lycia – Ionia
• David Byrne/Brian Eno – Mea Culpa
• Lydia Lunch – Lethe
• Andreas Brandal – File Under Lost
• Black Tape for a Blue Girl – Wings, tattered, fallen
• Faith and the Muse – The Birds of Rihannon
• Hadewych – A Forest for Riss
• This Mortal Coil – Waves become Wings
• Batcheeba – Circus
• Future Sound of London – Glass
• Legendary Pink Dots – Blacklist
• Ministry – Cannibal Song
• Aurora – In a Minute
• Ataraxia – Prophetia
• Einstürzende Neubauten – Stella Maris
• Fever Ray – If I had a heart
• Dead Can Dance – Circumradiant Dawn
• Rockettothesky – 14,15,13,14
• Black Star Liner – Sita D
• Dead Can Dance – In the Wake of Adversity
• Gong – Outer Temple
• Gae Bolg – Return of the West
• Joy Division – Decades
• Lycia – Desert
• Love is colder than Death – City in the Sea
• Aurora – Shadowland
• Black Tape for a Blue Girl – I have no more answers

Hysteriske kvinner, legestanden og vibratoren

Eit opplysande foredrag ved Kristian A. Bjørkelo

Frå antikken til i dag har vi hatt eit uløyst problem: Å temme kvinna. I eldre tid rekna ein livmora som opphavet til kvinneleg ustyrlegheit, eller hysteri. Hippokrates meinte at nevrosar og galskap hos kvinna kom av at livmora hadde tørka inn som følge av mangel på seksuell omgang. Den innskrumpa livmora løsna og vandra rundt i kroppen og pressa på hjartet og lungene, der ho skapa pusteproblem og utagerende framferd – hysteri.

Det viktorianske samfunnet ga oss vidunderkuren, kvinnas beste venn: Vibratoren. Med denne nyvinninga kunne legane endeleg hjelpe dei hysteriske kvinnene utan å måtte slite med tidkrevjande, slitsom stimulering av vulva for hånd. Ei tid etter dette medisinske miraklet kom ein variant for heimebruk i salg, og blei raskt populær, med alle sine helsebringande kvalitetar.

Vår eigen Kristian A. Bjørkelo kjem for å samanfatte og utdjupe historia om vibratoren for oss. Det er enno ikkje klart om det blir praktiske øvingar. Bjørkelo er folklorist, skribent og kommentator, med ei sterk kjærleik til steampunk. Han har tidlegare studert, skrive om og haldt foredrag om tema relatert til nazisme. I 2007 snakka han for Absalong om rasekamp i science fiction.

I tillegg kjem vår eminente husteiknar, Kim Holm, for å vise at han ikkje berre kan teikne, men og klimpre på gitaren sin medan han syngjer falskt og sjarmerar hokjønna som er tilstades med lange, kastanjefarga krullar.

Med andre ord er det bare å holde av datoen tirsdag 1. desember for å feire medisinske framskritt med oss. Vi held til på Klar Bar, i andre etasje på Zachariasbryggen. Vi opnar dørene klokka 19.00, og det koster NOK 50,- å ta del i herligheita. Du må sjølvsagt vere av myndig aldar.

Settlister

White Vixen

• Birch Book – Young Souls
• Blue Oyster Cult – Don’t Fear the Reaper
• Spiritual Front – Love Through Vaseline
• The Cold – Lust for Tonight
• Apoptygma Berzerk – Kathy’s Song (VNV Nation)
• ExLex – Kast, Lek, Eventyr
• Jack off Jill – Underjoyed
• Bel Canto – The Suffering
• Icon – In Power we trust the love advocated
• Dresden Dolls – Coin Operated Boy
• The Doors -Light My Fire
• Psychic TV – Good Vibrations

Lux Obscura

• Faith and the Muse – Mesmerism
• Lydia Lunch – Cesspool of History
• Svarte Greiner – Last Light
• Love is colder than Death – City in the Sea
• Batcheeba – Dark Rabbit
• Aurora – Poser 1793
• Love Spirals Downwards – Stir about the Stars
• Dead Can Dance – Circumradiant Dawn
• Krafft – Flowers
• Brian Eno/David Byrne – Mea Culpa
• Trisomie 21 – She died for Love
• Lycia – Desert
• Legendary Pink Dots – Pennies for Heaven
• Black Tape for a Blue Girl – Wings, tattered, fallen
• Fever Ray – I’m not done
• This Mortal Coil – Dreams made Flesh
• Depeche Mode – Black Celebration
  

Korleis sex gjev deg evig frelse eller evig pinsle.

Eit foredrag om sex og religion ved Dag Øistein Endsjø

I eit hemningslaust forsøk på å vere tabloide gjev Absalong publikum det publikum vil ha: SEX! Vi menneske er grusomt opptatt av sex – det å ha sex, og det å ikkje ha sex. Og kva sex vi skal ha, og kva sex vi ikkje skal ha. Dette er særleg viktig i eit religiøst perspektiv, då våre ulike guddommar har særs ulike syn på dette. Det kan difor vere vanskeleg å halde rede på kva tid du gjer noko feil, eller kva tid du ikkje har gjort det rett, og nær umogleg å vere viss på kva du har lov til å ta på når du er åleine. Absalong har difor bestemt seg for å hjelpe deg med dette, 20. oktober.

Til Absalong kjem då religionsforskar Dag Øistein Endsjø for å utdjupe nokre av dei meir interessante religiøse førestillingane om sex, og konsekvensane av dei. Nyleg gav han ut boka “Sex og religion. Fra Jomfruball til Hellig homosex.”, som tek for seg religionens haldningar til heterosex og homosex, til sexrasisme og demonsex, til pliktsex og avhald, til oralsex, analsex, skilsmisse og fleirgifte. Ein ekte sexbuffet med andre ord, og dei mest aktuelle og saftige bitene vil han altså servere på Absalong.

Kom og høyr om oneida-samfunnet i New York, der alle var gift med alle, og der par som ønskte å ha sex eksklusivt med kvarandre vart straffa. Lær om korleis cornflakes var eit våpen i kampen mot onani, og korleis rabbinsk lære godtar at gifte kvinner “gnikkar” på kvarandre. Kort fortald; kom og utvid ditt repertoar av småprat! I tillegg vil våre DJar by på syndige låter frå sine samlingar, her vert det både heitt og kaldt utover kvelden.

Det er difor inga orsak for at du ikkje skal slenge på deg dine mest sexye sko og hoser, og svinge innom Absalong tysdag 20. oktober. Vi held til på Klar Bar, i andre etasje på Zachariasbryggen. Vi opnar dørene klokka 19.00, og det koster NOK 50,- å ta del i herligheita. Du må sjølvsagt vere av myndig aldar.

Settlister

Sabeltann

Diamanda Galas – This is the Law of the Plague

Tony Wakeford – Not all of Me will Die Track #5

Bain Wolfkind – Burlesque

Ordo Rosarius Equilibrio – To Thee My Beloved Masturbator

Seelenlicht – Return to Summerisle

Nine Inch Nails – Closer

Army of Lovers – Heterosexuality

Pet Shop Boys – It’s a Sin

Army of Lovers – Crucified

Apoptygma Berzerk – Burning Heretics (Crisp Version)

Kito – Dildo Drumbop

Händel – Sarabande

White Wixen

Marilyn Manson – Fuck Frankie

Depeche Mod – A Question of Lust

Jack of Jill – Cumdumpster

My Dying Bride – For You

Death in June – Last Europa Kiss

In Gowan Ring – Fifteen Men on Dead Man’s Chest

Oingo Boingo – I Love Little Girls

Marilyn Manson – White Trash

Mechanical Moth – Alone in the Dark

Sol Invictus – Abbatoirs of Love

Ym Stammen – Hevnerkvadet

Ordo Rosarius Equilibrio – Confessions of a Sin Flower

The Midnite Choir – Amelia (Sabeltann)

Laibach – Predictions of Fire (Sabeltann)

Spritual Front – Bastard Angel

Death in June – Truly Be

Ordo Rosarius Equilibrio – Forgive me, I’m not Satan, I am Mary Just Like You

Bel Canto – Flowerbeds

Klaus Nomi – Falling in Love Again

Oingo Boingo – What You See

Nine Inch Nails – Closer

My Dying Bride – For My Fallen Angel

— Splitte mine bramsegl!

Vi sparkar i gang haustsemesteret med kruttrøyk, kanonkuler og kjølhaling! Vi snakkar ekte maritim action med alle verdas mest berykta piratar; sjørøvarane som herja Karibien i dei gode gamle dagar. Frå Svartskjegg til Calico Jack, frå Anne Bonny til Mary Read, desse morderiske plyndrarane terroriserte heile flåter og skremte buksa av admiralar og monarkar. I film og litteratur er dei både skurkar og heltar, framstilt som skitne drapsmenn og grasiøse sverdsvingarar i trikot. Deira amoralske og anarkistiske tilnærming til verda har fascinert og trollbunde publikum sidan 1700-talet – frå Captain Johnson til Pirates of the Caribbean.

Sett av ein kveld til å utforske denne verda i lag med piratolog og “all-round entertainer” John Færseth, som vitjar Absalong den 25. august. Som piratolog har han fordjupa seg i skattekister og utallige flasker rom for å avdekke sjørøvarens sanne natur. Kom og høyr sanninga om blondeskjorter og ville skjegg, om kjølhaling og plankegong, om skattekart, skuter og kanonar.

Det er obligatorisk oppmøte for alle piratar då vi denne gong er sponsa av amerikanske Telltale Games, som denne somaren lanserar Tales of Monkey Island, det femte spelet i den legendariske pirateventyrspelet om Guybrush Threepwood. Dette tyder sjølvsagt at det vert konkurranse!

I tillegg vil Absalongs faste DJar by på besynderleg musikk, denne gong med eit særs maritimt tilslag – og vi oppmodar gladeleg til allsang om høvet skulle by seg. Dessutan har baren på Klar Bar nok av rom av ulikt slag, så det er all grunn til å ta med seg lommeboka. Det heile tar til tysdag 25. august, klokka 1900 på Klar Bar i andre etasje på Zachen, og det koster som vanleg 50 spanske dubloner å kome inn.

Kjem du ikkje er du ein fordømt landkrabbe og kan forvente å gå planken.

Vel møtt!

Nyttige lenker:

LucasArts Soundtracks

Tales of Monkey Island

Settlister

Sabeltann

1. Running Wild – Treasure Island
2. Boyd Rice – Love Will Change the World
3. Allan Byer – Song of the Nation
4. Storm Weather Shanty Choir – Press Gang
5. 3rd Bass – Sea Vessel Soliloquy
6. Storm Weather Shanty Choir – The Bonnie Ship the Diamond
7. In Gowan Ring – Fifteen Men on Dead Man’s Chest
8. Bain Wolfkind – I only get turned on when I get the money out
9. Dead Can Dance – Yulunga
10. Michael Land – Escape from Monkey Island Main Theme
11. Rome – Rape Blossoms
12. Andrew King – Polly on the Shore
13. Anni Hogan – Just Like Drowning Kittens
14. Michael Land – A Pirate I was meant to be
15. April Nine – Radioactivity
16. Under Satan’s Sun – Burning Cross of Christ
17. Bob Fox and Stu Luckley – The Two Magicians
18. Händel – Sarabande

Lux Obscura

1. Love Spirals Downwards – Stir about the stars
2. Vaiping – 58-58/5-45
3. Lycia – Ionia
4. Dead Can Dance – Circumradiant dawn
5. Fever Ray – Seven
6. Legendary Pink Dots – Pennies for heaven
7. Nico – All that is my own
8. Andreas Brandal – There is no in-between
9. Project Pitchfork – I live your dream
10. This Mortal Coil – Waves become wings
11. Ataraxia – Flora
12. Ministry – Dreamsong
13. Fire + Ice – Werewolves of Londontown
14. Clan of Xymox – Back Door
15. Vaiping – Battle of Bastille
16. Krafft (med Batcheeba på vokal) – Flowers
17. Legendary Pink Dots – Cheraderama
18. Faith and the Muse – Mesmerism
19. Lydia Lunch – Lethe
20. Aurora – Shadowland

Jul og påske er gått sidan førre Absalong, og for å vege opp for vår lange ferie føler vi oss tvungen til å slå litt hardare på stortromma når vi først sett i gang. Vi kastar oss ned i djupet av det mest grumsete vi har av moderne idèhistorie: Rasismen! Nærare bestemt utforskar vi på komande foredrag på Absalong rasetenkjinga og raseforskinga si merkelege historie og konsekvensane av den. Ved hjelp av dr. art. Torgeir Skorgen frå Universitetet i Bergen skal vi følgje Vestens tankar om sin eigen og andres raser frå konseptet fødes på 1700-talet og fram til rasehygienen på 1900-talet, der Noreg skulle vise seg å bli eit føregangsland. Torgeir Skorgen er forskar, omsetjar og fagbokforfattar. Han har mellom anna gjeve ut “Rasens oppfinnelse: Rasetenkningens historie i Europa”, og skreve ei rekkje artiklar og essays om emnet. No jobbar han med eit postdoktorprosjekt om Wergeland, jødeparagrafen og toleransens historie.

Rasismen som oppstod på 1700-talet var eit forsøk på å dele verdas folkeslag inn i bestemte kategoriar, baserte på fysiske eigenskaper. Til desse vart det lagt til ein del moralske og kulturelle trekk, og folkeslaga vart i same stund rangert kvalitativt i forhold til kvarandre. I åra som følgde kom ulike raseforskarar til å vektleggje ulike forskjeller, og dele menneskeheten opp i enno fleire kategoriar. Fleire av desse kategoriane lev vidare den dag i dag i folks forestillingsverd. Torgeir Skorgen vil i sitt foredrag ta for seg nokre av dei morfologiske systema som rasetenkjarane tok i bruk, av både jordnær og meir absurd art, og moglegeins peike vidare til kva konsekvensar denne tenkjinga har fått i form av rasehygiene, og seinare etniske utrydningar.

I tillegg vil våre kjende og kjære DJar spele gullkorn og smaklause godbitar frå sine arkiv, og vi kan garantere alle oppmøtte ein lærerik og underhaldande kveld. Dørene opner klokka 19.00. Det koster 50,- kroner å kome inn, og du må vere av myndig aldar. Kveldens tema til tross, så vil vi ikkje foreta vurdering av hårfarge, augefarge eller pannehøgde på gjestene, alle er velkomne.

At demonar og Absalong har gått hand i hand sidan byrjinga er truleg allment kjent, men no ønskjer vi altså å gå ut opent om dette. Vi har invitert demonolog, fancy ord for demonekspert, og religionshistorikar Asbjørn Dyrendal ned frå NTNU til å fortelje oss om desse ivrige representantane for mørkets kreftar.

Sidan tidenes morgon har vi høyrd soger om demoner som frister, besettar og sprer sin lett attkjennelege vondskap i verda. I desse dagar har den Katolske Kyrkja i Noreg tilsett ein eigen eksorsist for å drive ut demonar. Demonar er med andre ord noko ein framleis tar på alvor. Dei har vore frykta og dyrka i særs ulike kulturar. Og okkultistar og demonologar har ofte hevda å kunne sette dei i system, og å binde dei. Vise kong Salomon skal etter rykta ha hatt 72 demonar bunden i si teneste.

Asbjørn Dyrendal er førsteamanuensis i religionshistorie ved NTNU, og er Noregs framste ekspert på det demoniske og djevelske. Han er forfattaren av boka “Demoner. Besettende djevler og andre ondskapsfulle vesen”. Dyrendal er ikkje framand for det mørke og absurde, og vi har lenge sett fram til å kunne invitere han til å å snakke hjå oss om dette temaet.

I tillegg til eit opplysande foredrag vil våre DJar gjere sitt beste for å gje kvelden den rette stemninga. Djevelskapen finn stad tysdag 25. november, og dørene opner klokka 1900, på Klar Bar på Zachen. Det kostar som vanleg 50 kroner å kome inn. Vi garanterar ein festleg aften, både med og utan demonutdriving. Det oppmodast til tungetaling, og vi har sjølvsagt bøker til sals. Vel møtt!

Vel møtt!

Settlister

Mallpunk

1. Neil Young – Guitar Solo, No. 1
2. Neil Young – The Round Stones Beneath the Earth…
3. Neil Young – Guitar Solo, No. 2
4. Neil Young – Why Does Thou Hide Thyself, Clouds…
5. Mad Season – November Hotel
6. Blue Oyster Cult – The Subhuman
7. Anton Szandor LaVey – Satan takes a holiday (vocal)
8. Geoff Berner – Maginot Line
9. Nirvana – (New wave) Polly
10. Dropkick Murphys – Good Rats
11. Tramteatret – Det enkleste er pistol
12. Black Halos – Homeless for Christmas
13. Goddess of Grief – Victim for a Vampire
14. Death in June – But, what ends when the symbols shatter
15. Nancy Drew Blood – Story about
16. Elregn – Naboen er nynazist
17. Satans Synth Band – Blues for Belsebub
18. Tricky – Hell is round the corner
19. Laibach – Anti-Semitism
20. Anax Imperator – Head
21. Kaare og Partiet – Be en bønn nå
22. Ole Paus – I en sofa fra IKEA
23. Hærverk – Loven slår
24. Anton Szandor LaVey – Satan takes a holiday (instrumental)
25. Anton Szandor LaVey – Golden Earrings

Lux Obscura

1. Ataraxia – Medusa
2. Krafft (Batcheeba på vokal) – Flowers
3. Lycia – Ionia
4. Cocteau Twins – Garlands
5. Christian Death – Hour of the wolf
6. Legendary Pink Dots – Cheraderama
7. Andreas Brandal – File under lost
8. David Byrne/Brian Eno – Mea Culpa
9. Dead Can Dance – The fatal impact
10. Lydia Lunch – Disease of the night
11. The Glove – Perfect murder
12. Dead Can Dance- The trial
13. Nico – Saeta
14. Einstürzende Neubauten – Stella Maris
15. Batcheeba – Dark Rabbit
16. Love is colder than death – The city in the sea
17. Future Sound of London – Her face forms in summertime
18. Ministry – The human brain
19. Aurora – Shadowland
20. Rockettothesky – Medea
21. Gae Bolg – Death of the West
22. Legendary Pink Dots – Pennies for heaven
23. Malaise – Walking through this wonderland
24. Skinny Puppy – Smothered Hope
25. Lydia Lunch – Cesspool of history
26. Dead Can Dance – Ascension
27. Black Tape of a Blue Girl – Across a thousand blades
28. Joy Division – Atrocity Exhibition

Alle i vår generasjon veit at dette er dei siste tider, det alt har leia fram til – bak eit kvart hjørne lusker profeti om dommedag og verdas undergang. Ein hovudperson i dei fleste populære dommedagsforteljingar er Anti-Krist, den falske profeten som skal forføre massane vekk frå det sanne lys. Kven er denne profeten? Kva er han? Og kva vil han? Absalong lar religionshistorikar Jan Ingar Thon fortelje oss alt vi ikkje veit om han.

Sogene om kven denne mørkemannen skulle vere har vore mange sidan han vart trukken fram i Johannes Openbaring for nesten 2000 år sidan. Denne mannen som skal forføre verda, og underleggje seg all politikk og handel, og merke oss alle med sitt teikn. Dette “dyrets teikn” er populært tolka som 666, og dette er det viktigste sporet ein har hatt for å studere seg fram til kven han kunne vere. Var det Keisar Nero, som brukte kristne som hagedekor? Var det Martin Luther, som forrådte moderkyrkja? Paven og Vatikanet som villeiiar dei truande inn i okkulte ritual? Er det Illuminati eller EU? Eller er Anti-Krist mannen bak alt dette slik andre hevder? Vi vil kaste oss over temaet, frå dei tidlege kyrkjefedre til Rosemary’s Baby og moderne konspirasjonsteoriar. Frå barneofring til helsekost!

Den einaste som kan ledsage oss på denne turen er religionshistorikar og forfattar Jan Ingar Thon. Han er ein av Noregs framste eksperter på Anti-Krist-myten og aktuell som bidragsytar til antologien “Dommedag”, som kjem ut i tide til vår lille samling, og vil vere til sals til ein vennleg pris. Han har tidlegare forfatta boka “Varulv!”, og vitja i den samanheng opningskvelden på Absalong og underhaldt publikum med sin forteljarevne. Vi kan med andre ord garantere høg underhaldingsfaktor i tillegg til god, og sunn folkeopplysing.

I tillegg vil våre DJar underhalde med god musikk og stemning, og i baren kan du få kjøpt leskande drikker. Det er med andre ord nok av grunner til å møte opp på Absalong for dette arrangementet. Det heile skjer tysdag 4. november, på Klar Bar på Zachariasbryggen, og vi opner dørene som vanleg klokka 1900. Det vil koste 50 norske kroner å kome inn, og du må vere av myndig aldar.

Vi ønskjer gamle og nye gjester hjarteleg velkomen til denne kveldens arrangement. RFID-chipping er høgst frivillig

Absalong vender attende til ein av det 20. århundrets viktigaste litterære skikkelsar og våre inspirasjonskjelder; Howard Phillips Lovecraft (1890-1937). Av eit aukande antal ekspertar vert Lovecraft rekna som det 20. århundrets viktigste skrekkforfattar, og blant dei viktigste litterære framtoningane i det førre århundret. Innflytinga han har hatt på populærkulturen er enorm i forhald til merksemda han fekk både før og etter sin død. Eit bibliotek av skrekkfilmar og musikk er basert på universet han skapte, som vart døpt Cthulhu-mythoset, etter hans mest minneverdige skapning (vi viste filmatiseringa av The Call of Cthulhu hausten 2007). Innanfor litteraturen har han vore ei innflyting på menn som Stephen King, Clive Barker, Neil Gaiman og Jorge Luis Borges for å nemne nokre få, og han var ein lærarskikkelse for menn som Robert E. Howard, skaparen av Conan, og Robert Bloch, forfattaren av Psycho. I filmverda er lista lang over filmskaparar, filmar og seriar som har latt seg inspirere – med og utan hell – av denne mannen. Vi ønskjer nok ein gong å belyse kvifor.

Når vi no vender attende til denne forfattaren er det fordi vår venn Didrik Søderlind har vore på heimtraktane til Lovecraft og har henta med seg både fotografi og visdom frå Arkham, Innsmouth og Kingsport. Han har studert det meste som er skreven om Lovecraft innan litteraturvitskapen, og har sjølv sitt å leggje til om dette. Søderlind er til dagleg ideologisk rådgjevar for Human-Etisk Forbund, som vi lenge har mistenkt er ein fasade for Cthulhu-kulten, og er primus motor bak Oslos versjon av Absalong – Kjettersk Kjeller. Han har tidlegare vitja Absalong med foredrag om Black Metal og dets brune sider, og dette var såpass underhaldande at vi måtte invitere han på ny. Og vi har all grunn til å tru at det vert både underhaldande og opplysande.

Foredraget vil belyse Lovecraft sitt liv, hans forteljinger og dei som lot seg inspirere av han. I dag tar både amatørar og profesjonelle okkultistar ideane hans seriøst, dette på tross av at han sjølv var innbitt materialist utan tru på noko som helst andeleg. For han var det openbart at berre den som ikkje trudde kunne skildre det utrulege og fantastiske med den rette skrekkelege vantru. Hans univers, om enn kor magisk og full av dunkle farar, var alltid amoralsk og rasjonelt – vi menneske er berre ute av forstand til å forstå det universet vi sjølv lever i. Kva er det som gjer at folk framleis insisterer på at hans berømte bok Necronomicon er reell? Kvifor kjøper folk bøker som vert utgjeven som omsetjingar av denne? Korleis kan det ha seg at nokre satanistar dyrkar Cthulhu i sine seremoniar? Og korleis uttalar ein eigentleg Cthulhu?

Det er ikkje nødvendig å vere kjent med Lovecrafts noveller for å nyte godt av foredraget, for hans arv er til stades i store deler av populærkulturen i dag. For dei som ønskjer å sette seg inn i hans verk er dei fleste gratis tilgjengeleg på nett.

I tillegg har vi høyrd rykter om at den lokale Lovecrafteksperten og kunstnaren Kim Holm er i farta med ein ny teikneserie om forfattaren og kanskje vil stikke innom med ein smakebit på vårt komande arrangement. Kim Holm er ikkje framand for faste gjestar, då han i fjor introduserte Call of Cthulhu, og har forsynt oss med mange minnerike illustrasjonar til plakatane våre. I tillegg vil det sjølvsagt vere god musikk (komponert med og utan slimete tentaklar og under innflyting av dei Eldre Gudar) i regi av vår alles kjære Lux Obscura og andre av våre faste Djar.

Det heile finn stad måndag den 15. september på Klar Bar i andre etasje på Zachen, og dørene opner for våre gjestar klokka 1900. Det kostar ringe 50 kroner å kome inn, og vi forlangar ikkje meir enn at de er av myndig alder for å sleppe dykk inn. Kultistar er særs velkomne.

Vel møtt til nye og gamle gjestar på haustens første Absalong.

Settlister

Lux Obscura

1. Derniere Volonté – Toujours
2. Black Tape for a Blue Girl – Fitful
3. Dead Can Dance – Flowers of the Sea
4. Black Tape for a Blue Girl – Wings, tattered, fallen
5. Galaxy Chamber – Ascension
6. The Legendary Pink Dots – Pennies for Heaven
7. Lycia – Fate
8. Joy Division – Decades
9. Batcheeba – Dark Rabbit
10. Future Sound of London – Everyone in the world is doing something without me
11. Lydia Lunch – Cesspool of History
12. Ataraxia – Prophetia
13. Gaë Bolg – La messe des morts
14. Aurora – Firenze
15. Dead Can Dance – Circumradiant Dawn
16. Nico – Facing the wind
17. Lycia – Dawn
18. The Cure – Plainsong

Sabeltann

1. Shoggoth on the Roof – If I were a Deep One
2. Scott Walker – The Girls of the Streets
3. The Dagon Tabernacle Choir – Oh Cthulhu
4. Mick Harvey – Lemon Incest
5. J.D. Titan – It’s the Most Terrible Time of the Year
6. John Zorn – Contact
7. Scott Walker – Amsterdam
8. Dagmar Krause – Song of a German Mother
9. Pantheon Legio Musica – Pompeii
10. Spiritual Front – Bastard Angel
11. Laibach – Contrapunctus 2
12. Derniere Volonte – Si…
13. Götz Alsmann – Singapor
14. The Dagon Tabernacle Choir – Silent Night, Blasphemous Night
15. Bad Sector – Old Europa on Air
16. Coph Nia – Fire
17. Tony Wakeford – Not All of Me Will Die
18. Defiles des âmes – Welcome
19. Zunroyz – The Seventh
20. Luftwaffe – Sollipsistica Nihilisti
21. Sieben – Learn some sense, Howden
22. The Tiger Lillies – Open Your Legs
23. Metallica – The Call of Ktulu
24. Allerseelen – Edelweiss
25. Apocalyptica – Dovregubbens Hall

Arkeolog Terje Østigård har grave litt for djupt, og vitjar Absalong for å fortelje oss kva han har funne. Det er helvete som står på programmet, frå dei tidlegaste tekstene til dagens religiøse disputtar. Absalong held fram med si eiga utgraving av kulturens mørkeside og vender for første gong blikket mot det hinsidige, og spør: Kva venter eigentleg syndaren i dødsriket? Svara er visst mangfoldige og fargerike, så det skulle berre mangle at vi skal kose oss denne kvelden.

Helvete er gjerne ei samlebenemning på dei meir utrivlege dødsrika i ulike filosofiar og religionar ein kan hamne i om ein ikkje er heilt dydig eller ein smule uheldig. Deira form og formål varierar sjølvsagt frå religion til religion, og over tid vil eit helvete gjerne endre seg i takt med moter og politisk klima. Slik er det mellom anna med det kristne helvetet, som til stadig er oppe til revisjon av kyrkjelege instansar. Helvete er oftast skildra som eit eit fantasifullt torturkammer omgitt av eit flammehav der syndarar får si straff for brotet mot Guds bodord. Dette helvetet har vore til inspirasjon for teologar og kunstnarar som ønskte å forklare allmuen viktigheta i å følgje kyrkjas regler, for å unngå fortapinga som venta i dødsriket. Den nøyaktige formen dette torturkammeret har tatt har sjølvsagt variert med det politiske og filosofiske klimaet. Mest kjend er kanskje Dantes Inferno, ei reiseskildring frå dette nederste dødsriket der hans politiske fiendar og andre utrivelege typer får si rettmessige og skreddersydde straff i det byråkratisk inndelte helvetet. Og sjølv om det mellomalderske biletet av dødsriket lever i beste velgåande idag, er det vanskeleg for kyrkje å forsvare det som offisiell teologi. Vatikanet hevder at fortapinga er fråveret av Gud i menneskets liv, og at dette er ei pinsle i seg sjølv, den norske kyrkje har på den andre side vore veldig stille angåande temaet dei siste åra. No har debatten starta på ny.

Ein av dei aktive debattantane i denne runda er arkeologen Terje Østigård, som har grave ut store deler av dødsriket i si bok “An Archaeology of Hell: Fire, Water and Sin in Christianity”, og som har publisert ei lita hyllemeter om døden og dødsriket. Østigård er idag ansatt ved UNIFOB-Global ved Universitetet i Bergen, der han til dagleg syslar med problemstillinger rundt Nilen og Egyptisk sivilisasjon. Han er godt kjendt for sitt arbeid med dødsriker. Vi er veldig glade for at han vitjar oss ved dette høvet, og vi ser fram til ein fabelaktig kveld.

I tillegg til eit underhaldande foredrag vil Absalong sine DJar by på bisarr musikk, både frå og om helvete, og baren inneheld mykje godt å drikke som alltid. Det heile finn stad tysdag 22. april, klokka 1900 på Klar Bar i andre etasje på Zachen. Du bør helst vere av myndig aldar, og det koster deg skarve 50 kroner å kome inn. Om du tar snarvegen over elva Styx, minner vi om at fergjeførar Charon gjerne har eigne prisar.

Ta med deg venner og kjære, levende og avøde, rettferdige og syndarar. Vel møtt!

Settlister

Sabeltann

1. Deutsch Nepal – Deflagration of Hell
2. Jim Goad – A Tombstone Every Mile
3. The Story – Wicker Man
4. The Squirrel Nutzippers – Afterlife
5. The Midnite Choir – Happy Hour in Hell
6. Rome – Der Brandstifter
7. Simon Scardanelli – The Ballad of Genevieve
8. Hekate – The Burning Terror
9. Stereo Total – Heaven’s In the Backseat of My Cadillac
10. Marching Runes – Eleven Rune
11. Tony Wakeford – A Rose in Hell
12. Coph Nia – Hymn to Pan
13. KMFDM – Go To Hell (Fuck MTV Mix)
14. Der Blutharsch – In the Hands of the Master
15. Death in June – Jesus, Junk and the Jurisdiction
16. Sieben – Rite of the Right
17. Knorkator – Highway to Hell

Lilo

1. Apoptygma Berzerk – Arp
2. Rolemodel – Showroom dummies
3. Seabound – Poisonous friend
4. Edge of Dawn – Loosing grownd
5. Seigmen – Slaver av solen
6. Nine Inch Nails – Closer
7. Zombienation – Kernkraft 400
8. Ladytron – Destroy everything you touch
9. Neurotic Fish – The bomb
10. Kompressor – Brush your teeth
11. Corvus Corax – Tanzwut
12. Ivory Frequency – Dancing troops
13. Ashbury Heights – World Coming Down
14. Alice in Videoland – Bad boy
15. Sara Noxx – Colder and colder
16. Depeche Mode – Enjoy the silence
17. Joy Division – Love will tear us apart
18. The Cure – Lovecats
19. Edge of Dawn – Black heart
20. Pride and Fall – In my time of dying
21. Wumpscut – Churist churist
22. Covenant – We stand alone
23. Dolce Luquido – Under the silence
24. Hocico – Drowing
25. Unter null – Destroy me
26. Rotersand – Exterminate Annihilate Destroy
27. Fgfc820 – Pray
28. Zeromancer – Duppelgänger I love you
29. Panzer AG – Machinegun GoGo
30. Dioxyde – Geist
31. Bermuda Triangle – It feels good